Clubs de lectura
Descubre os clubs de lectura da nosa biblioteca!

A Biblioteca acolle clubs de lectura para todos os gustos. Consulta as distintas temáticas e horarios e ven gozar do pracer común polos libros.

Para participar en calquera deles, é imprescindible inscribirse. O prazo para presentar a solicitude ábrese a mediados de setembro, e poderás atopar o formulario correspondente pinchando las ligazóns que atopará máis abaixo ou dirixíndote ao persoal do mostrador principal da Biblioteca. 

Lembra que as prazas se outorgarán por rigoroso orde de chegada das inscricións. No caso de non estar entre as persoas elixidas, quedarás na lista de agarda, por se houbese unha renuncia ou unha baixa no club.

 

CLUB DO LUNS (formulario de inscrición)

  • Este club de lectura reúnese cada quince días para comentar un libro previamente seleccionado. A súa coordinadora é Ana Álvarez Veira.
  • Datas: luns alternos, de 18 a 19:30 horas
  • Nº de prazas: 20. Maiores de 18 anos

 

CLUB DO MARTES (formulario de inscrición)

  • Os martes, celebramos reunións literarias temáticas. E é que este club está sobre todo -mais non exclusivamente- dedicado á literatura de terror e misterio e a súa relación co cine. Coordínao José Manuel Alonso Casabona.
  • Datas: martes (variables, fixaranse en función do contido e a extensión de cada libro), de 19:00 a 20:20 horas
  • Nº de prazas: 20. Maiores de 18 anos

 

CLUB DO MÉRCORES (formulario de inscrición)

  • Cada mércores, na Biblioteca reúnese este club de lectura senlleiro, que botou a andar alá por 1999. Nas súas sesións, os membros coméntase un libro máis ou menos actual. A coordinadora é Nancy García Mondelo
  • Datas: mércores, de 17:30 a 19:30 horas
  • Nº de prazas: 20. Maiores de 18 anos

 

CLUB DOS XOVES (formulario de inscrición)

  • Os xoves, é a quenda do club de lectura en galego, coordinado por Purificación Galán Boutueira.
  • Datas: xoves alternos, de 19 a 20:30 horas
  • Nº de prazas: 20. Maiores de 18 anos

CLUB DE LECTURA FEMINISTA - NOVO   (formulario de inscrición)

  • Os venres, é a quenda deste novo club.
  • Datas: venres alternos, de 19 a 20:30 horas
  • Nº de prazas: 20. Maiores de 18 anos
  • Comezamos o 4 de outubro

  • Prazo de inscrición: a partir do 9 de setembro, ás 8:30 horas

CLUB DE LECTURA FÁCIL (formulario de inscrición)

  • No curso 2018/2019, puxemos en marcha este club de lectura sinxela, botando man de textos adaptados para lectores e lectoras que teñen dificultades para acceder ao formato estándar de libro. Encárgase de coordinalo Marta Fernández.
  • Datas: sábados
  • Nº de prazas: 12. Maiores de 18 anos