Xa coñecemos a identidade dos usuarios e das usuarias máis activos/-as da Biblioteca en 2018
14/01/2019
Socios e socias de honra 2019
Agasallos para os socios e as socias do ano 2019

O pasado 11 de xaneiro conmemorabamos o Día do Usuario e da Usuaria, unha data especialmente sinalada que nos serve para transmitirlle o noso agradecemento á xente que acode á Biblioteca con regularidade e participa na vida da mesma. Por iso mesmo, gustaríanos distinguir como Socios e socias e honra a aqueles/-as que se amosaron máis activos/-as ao longo dos últimos doce meses.

 

E así, comprácenos anunciar que as tres persoas con máis préstamos durante o 2018 na categoría de carné de adultos/-as foron:

- 4896438 

- 46916839 

- 32633501

 

Na categoría infantil e xuvenil:

- RBG22076 

- RBG22078

- 279749674

 

Por seren todos e todas eles/-as membros tan dinámicos/-as da comunidade da Biblioteca, desexamos outorgarlles a condición de Socios e socias de honra de 2019. Iso implica que, desde agora e ata o 11 de xaneiro de 2020 -é dicir, durante todo un ano-, poderán levar en préstamo un maior número de obras.

Ademais, o día 15 de xaneiro, ás 12:00 horas, faráselles entrega dun estupendo lote de libros a cada un/unha.

Parabéns!