A Torre de Hércules é o único faro romano que desde as súas orixes ata a actualidade cumpriu coa súa función primixenia, a de servir de sinal marítimo e instrumento de navegación para as embarcacións na súa travesía polo corredor atlántico. Cando se construíu, quedaba afastada da cidade romana de Brigantium -que orixinou A Coruña-, pero a distancia foise reducindo ata desaparecer. Na actualidade, a Torre está integrada na Coruña, dentro dun gran parque urbano que ocupa 50 ha.
Asociación de Amigos dos museos de Galicia
Grupo pioneiro en Galicia neste tipo de actividades en relación coa sensibilización do patrimonio cultural. As orixes hai que atopalas en 1975, cun grupo animado polo museólogo Felipe-Senén, arredor do Castelo de San Antón como "Colaboradores do Museo Arqueolóxico", coordinando actividades por toda a provincia coa axuda do malogrado investigador e arqueólogo submariño Rafael Mejuto García.
Museo Arqueolóxico e Histórico da Coruña
De titularidade municipal, conserva e expón pezas da prehistoria e da historia relacionadas co castelo, coa cidade e con Galicia. Abrangue dende as orixes da civilización en Galicia ata a historia máis moderna da cidade e da provincia; un túnel do tempo por descubrir paseando polas antigas dependencias da fortaleza.
Real Academia Galega de Belas Artes de Nosa Señora do Rosario
A Real Academia Galega de Belas Artes de Nosa Señora do Rosario, con sede na Coruña, é unha das trece creadas en España polo Real decreto do 31 de outubro de 1849, entón coa denominación de Academia Provincial de Belas Artes. Depende da Xunta de Galicia.
Páxina web da Real Academia Galega de Belas Artes de Nosa Señora do Rosario
O Arquivo do Reino de Galicia é na actualidade un centro de titularidade estatal con xestión transferida á Xunta de Galicia, que recibe, custodia e difunde fondos documentais de ámbito galego e coruñés de natureza pública e privada.
"A Real Academia Galega é unha institución científica que ten como obxectivo fundamental o estudio da cultura galega e especialmente a ilustración, defensa e promoción do idioma galego."
Estatutos da RAG
Capítulo I, Artigo I
Fondo histórico de carteis - BPC Miguel González Garcés
A Biblioteca Pública da Coruña Miguel González Garcés, grazas á normativa de Depósito Legal, é depositaria dende 1958 dun exemplar dos materiais impresos na provincia da Coruña.
Axenda socio-cultural do Concello da Coruña
Recurso en liña para coñecer a actualidade social e cultural da cidade da Coruña, ofrecido polo Concello.