Hans Christian Andersen
01/04 - 30/04
Biblioteca Pública de Santiago Ánxel Casal
Mostra bibliográfica

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais.

Este ano a sección escollida é Lituania que difunde a mensaxe e a ilustración de Kęstutis Kasparavičius (1954).

Na sala infantil expoñemos unha selección de libros de H. C. Andersen para conmemorar esta celebración.