O servizo de acceso á Internet e ofimática engloba:
Conexión wifi
A conexión wifi é pública e gratuíta con cobertura en todos os espazos da biblioteca.
O acceso á Internet a través da rede wifi da biblioteca só require darse de alta a primeira vez e non ten limitacións no tempo de conexión.
A utilización deste servizo conleva un uso responsable do mesmo respectando a lexislación vixente en materia de propiedade intelectual e evitando a descarga de contidos que poidan colapsar a rede.
Premede aquí para ver os pasos a seguir
Conexión á Internet e ferramentas ofimáticas
Os postos de ordenadores con conexión á Internet e ferramentas ofimáticas, xestionadas polo sistema RADIUS, distribúense do seguinte xeito:
1 equipo na Sala Infantl (planta baixa)
5 equipos no Espazo Xove (planta baixa)
11 equipos no 1º andar
5 equipos no 2º andar
Para a utilización deste servizo é preciso ter en conta as seguintes indicacións:
- Para o acceso a este servizo hai que estar dado de alta na plataforma Radius.
- Cada persoa só pode darse de alta neste servizo unha vez e ter un único nome de usuario rexistrado.
- O tempo máximo para a utilización deste servizo é de 1 hora e 30 minutos diarios.
- Por motivos de seguridade os usuarios non poden instalar ningún programa nin modificar a configuración do ordenador.
- Para a creación de documentos a biblioteca proporciona acceso ao programa gratuíto Open Office. A persoa usuaria pode imprimir os seus documentos cun custo de 5 céntimos por páxina ou gardalos nunha memoria USB aportada por ela.
- Estes ordenadores tamén poden empregarse para consultar CDs e DVDs particulares ou da biblioteca así como memorias USB particulares.
- No uso dos recursos dá Internet a persoa usuaria debe comprometerse a respectar en todo momento a lexislación vixente e a facer un uso adecuado do servizo. Non se permite o acceso a páxinas con contido racista, xenófobo, pornográfico, violento ou que incite á violencia.
- A biblioteca non se fai responsable en ningún caso dá información que puidese recuperar ou á que puidese acceder a persoa usuaria a través dos postos de consulta de Internet.
- Pódense imprimir ou gardar as buscas en diversos soportes, respetando o disposto na lexislación vixente en materia de propiedade intelectual. O custo da impresión é de 5 céntimos por páxina.