Os materiais obxecto de consulta son todos aqueles non prestables que se atopan nas salas de lectura cun punto vermello ou ben no depósito co acceso restrinxido como:

• Obras de referencia: enciclopedias e dicionarios, repertorios bibliográficos...
• Fondos especiais: obras con dedicatorias ou anotacións manuscritas autógrafas, doazóns de especial relevancia...
• Fondo patrimonial
• Prensa histórica e revistas dixitalizadas

O acceso aos fondos de carácter especial e/ou patrimonial da biblioteca requerirá a presentación previa dunha petición por escrito por parte do usuario dirixida á dirección da biblioteca. Nela se indicarán os motivos polos que se solicita a súa consulta. A autorización estará suxeita a criterios técnicos de conservación e preservación dos materiais solicitados.  

A biblioteca tamén pon a disposición dos usuarios os medios necesarios (postos de lectura e/ou lectores de son, audiovisuais e de microfichas etc.) para que as persoas que o desexen tamén poidan consultar os materiais prestables dentro da propia biblioteca sen necesidade de levalos en préstamo. 

Así mesmo, poderán solicitarse materiais doutras bibliotecas para a súa consulta nas mesmas condicións.