Instalacións

 

 

A desamortización de conventos e mosteiros dotou á Biblioteca de Pontevedra dos seus primeiros fondos no ano 1848, pero foi o 2 de febreiro de 1849 cando abriu as súas portas no Instituto Provincial de Segunda Ensinanza. Ata chegar a ocupar a actual sede na rúa Alfonso XIII no ano 1987, a biblioteca ocupou diversas instalacións: Pazo Provincial (1907), Arquivo da Delegación de Facenda (1920), Instituto de Ensinanza Media (1931) e o núm. 4 do Paseo Colón, actual sede do Arquivo Histórico Provincial (1960).

 

PLANTA BAIXA

ENTREPLANTA

PRIMEIRO ANDAR

SEGUNDO ANDAR

TERCEIRO ANDAR

 

PLANTA BAIXA

Recepción: nela podes solicitar información xeral sobre a biblioteca e apuntarte ás actividades con límite de prazas.

Hemeroteca: na hemeroteca temos a prensa do día e a prensa dos últimos 7 días en consulta de libre acceso. Tamén temos moreas de revistas que podes consultar e levar en préstamo.

Salón de actos: con capacidades para 245 persoas.

Zona de descanso: máquinas de comida e bebida onde podes facer unha pausa.

Inicio

 

 

ENTREPLANTA

Sala de obradoiros: espazo con capacidade para 50 persoas onde facemos diferentes tipos de actividades.

Inicio

 

 

PRIMEIRO ANDAR

Sala de reunións dos clubs de lectura: unha sala acolledora con capacidade para 20 persoas.

Recuncho das familias: é un centro de interese permanente con libros e outros materiais para pais/nais/titores/as.

Sala infantil: con materiais para rapaces de rapazas de 0 a 14 anos. Esta sala está decorada con fermosos murais creados polo ilustrador Kiko da Silva.

Inicio

 

 

SEGUNDO ANDAR

Administración: en administración aténdense as solicitudes de carné. 

Mostrador principal de préstamo: este mostrador abre durante todo o día e nel se atenden entre outros os seguintes servizos: recollida de préstamos intrabibliotecarios, préstamo de ordenadores porátiles e lectores de libro electrónico e solicitudes de materiais no depósito de consulta en sala ou acceso restrinxido.

Coleccións no segundo andar: narrativa, poesía, teatro, biografías, ensaio, libros de viaxes, xuvenil, banda deseñada, libros de idiomas, lecturas escolares, fondo Pontevedra, LGTBIQ+, biblioteca feminista e colección accesible.

Inicio

 

 

TERCEIRO ANDAR

Coleccións no segundo andar: libros informativos de diferentes materias e música.

Inicio