POLÍTICA DE DOAZÓNS DA BIBLIOTECA PÚBLICA DE PONTEVEDRA
Para facer unha doazón é necesario entregar previamente unha listaxe cos datos dos materiais que se queren doar. Esta listaxe pode entregarse a través das seguintes vías:
a) encher esta proposta de doazón e entregala no mostrador do segundo andar
b) a través deste formulario web
Unha vez revisada a listaxe de obras, a biblioteca porase en contacto coa persoa doante para comunicarlle se a doazón foi aceptada ou non.
Ao entregar a doazón, a persoa doante acepta que é definitiva e irreversible. O material doado pasará a ser propiedade legal da Biblioteca, que se reservará o dereito a organizalo, mantelo, doalo a terceiros, expurgalo, situalo e utilizalo como considere oportuno.
Materiais que SI que nos poden interesar:
— Lecturas escolares recentes
— Libros, DVD, CD, folletos, fotografías, carteis, postais e calquera outro documento de autor galego ou referido a Galicia anterior a 1958 e moi especialmente os que se refiren a bisbarra de Pontevedra.
— Obras raras ou de especial valor bibliográfico
— Libros e outros documentos de actualidade, ben encadernados e que se atopen en bo estado de conservación.
Materiais que NON nos interesan:
— Libros ou documentos que se atopen en mal estado de conservación: rotos, sucios, danados, con humidade, etc.
— Libros de texto
— Enciclopedias
— Anuarios, estatísticas, directorios, libros técnicos ou de carácter científico de máis de 2 anos de antigüidade
— Documentos audiovisuais en formatos obsoletos (vídeos en VHS, etc.)
— Coleccións de xornais ou revistas que non sexan de temática local, ou números soltos que non completen a colección que xa conserva a biblioteca
— Reproducións, fotocopias, copias gravadas de audiovisuais