Servizo de consulta de documentos non prestables en depósito

Con este servizo a biblioteca pon a totalidade da colección a disposición da cidadanía para a súa consulta dentro das instalacións do centro.

 

Requisitos:

— Para acceder a  estes fondos é necesario ter o carné da biblioteca

— Non se permite a consulta de materiais que se atopen dixitalizados e en libre acceso en liña. 

 

 

Localización de fondos

Antes de facer a petición recomendamos consultar:

Listaxe do fondo local / fondo antigo de prensa da Biblioteca de Pontevedra: nela pódense consultar as publicacións periódicas antigas que conservamos, as que están dixitalizadas aparecen acompañadas dunha ligazón a súa copia dixital.

Listaxe de documentos da Biblioteca de Pontevedra dixitalizados en Galiciana (Biblioteca Dixital de Galicia)

Listaxe de publicacións periódicas subscritas pola Biblioteca de Pontevedra: recolle as subscricións de publicacións periódicas e o seu prazo de conservación.

Repertorio fotográfico da Colección Muruais: Este fondo contén algo máis de 2.000 fotografías, especialmente retratos, adquiridos por Jesús Muruais. Escritores, músicos, literatos, cantantes, bailarinas, estadistas, reis, etc. forman unha mostra iconográfica da sociedade política e cultural europea do século XIX.

Catálogo Colectivo do Patrimonio Bibliográfico: O Catálogo Colectivo do Patrimonio Bibliográfico (CCPB) recolle a descrición e localización de libros e outros fondos bibliográficos, depositados en bibliotecas e institucións españolas públicas ou privadas, que pola súa antigüidade, singularidade ou riqueza forman parte do Patrimonio Bibliográfico Español.

*Lembre que os periódicos están feitos de pulpa de madeira e teñen grandes niveles de acidez. Expostos ao aire ou a luz, adoitan quebrarse con facilidade. Por ese motivo non permitimos a consulta de publicacións periódicas dixitalizadas e limitamos a consulta dos exemplares anteriores ao 1995 que se atopen en mal estado de conservación.

 

Cabeceiras de conservación indefinida na Biblioteca de Pontevedra (Depósito legal):

— DIARIO DE PONTEVEDRA: desde 1897. Sen exemplares nestes intervalos 28.2.1939/14.09.1963 e  01.09.1967/1.04.1968. Dixitalizado desde o 16.04.1897 ao 27.02.1939. KARDEX

— FARO DE VIGO Ed. Pontevedra: desde decembro de 1993. Non prestablesKARDEX

— FARO DE VIGO Ed. Arousa: desde 1997

— FARO DE VIGO Ed. Vigo: desde 1991

— FARO DE VIGO Ed. Tabeirós: desde 2018

— FARO DE VIGO Ed. Morrazo: desde 2018

— DIARIO DE AROUSA: desde 2001

 

Peticións de consulta:

Peticións de documentos posteriores a 1958 e prensa posterior ao ano 1995: poden solicitarse no mostrador de préstamo enchendo unha papeleta de petición. Se a consulta quere facerse o sábado terá que solicitarse o día anterior de xeito presencial ou a través do número de teléfono 886 159 252 antes das 19.00 h.

 

Peticións de fondo antigo, materiais anteriores a 1958 e prensa anterior ao ano 1995: estas peticións deben facerse como mínimo tres días hábiles antes da súa consulta a través das seguintes vías:

a) a través do correo electrónico da biblioteca: biblio.publica.pontevedra@xunta.gal indicando os datos da persoa usuaria, da publicación e a finalidade da consulta;

b) de xeito presencial no mostrador do segundo andar.

A biblioteca porase en contacto co solicitante para comunicarlle se o acceso ao fondo foi autorizado e para concretar un día e hora para a consulta.

Inicio