Aul@ tecnolóxica de maiores

Obradoiro de introdución ás novas tecnoloxías para persoas maiores de 55 anos

Obradoiro co obxectivo de integrar ás persoas maiores de 55 anos na sociedade dixital a través da formación en novas tecnoloxías, especialmente no uso de teléfonos móbiles, tabletas e ordenadores portátiles, cun carácter eminentemente práctico de cara á súa aplicación e aproveitamento na vida cotiá.

A actividade está a cargo de Mar Torres Vilariño, voluntaria do programa de Voluntariado Cultural da Rede de Bibliotecas de Galicia.

Nesta edición contamos coas mesmas persoas que integraban o grupo da edición anterior, pero recomendamos aos usuarios e usuarias interesadas que se anoten na lista de agarda xa que se poden producir baixas entre os integrantes actuais.

A aul@ tecnolóxica de maiores comenza a súa andaina o martes 1 de outubro e segue o calendario escolar ata finalizar o próximo mes de xuño.

O número máximo de participantes é de sete e precísase ter o carné de biblioteca para asistir.

A actividade desenvólvese os martes das 19:00 ás 20:00h e as sesións teñen lugar nas salas de traballo en grupo do 3º andar.

O período de inscrición na lista de agarda está aberto ata o remate da actividade.

 

As persoas interesadas poden obter máis información e anotarse chamando ao 881 999 401 ou directamente ao mostrador dondar baixo. 

A biblioteca pon á disposición das e dos integrantes os dispositivos precisos para desenvolver o programa que se vai impartir: tabletas e ordenadores portátiles.

Todos os/as participantes teñen que traer un teléfono móbil para poder conectarse á rede WI-FI, ademais de para aprender algunhas das súas utilidades.

Mar Torres Vilariño realizou un Ciclo formativo de grao superior de desenvolvemento de aplicacións informáticas no IES San Clemente de Santiago de Compostela.