27/09/2019
Día da Biblioteca

O 24 de outubro conmemórase o Día da Biblioteca.

Esta iniciativa posta en marcha no ano 1997 pola Asociación Española de Amigos do Libro Infantil e Xuvenil, pretende dar a coñecer o labor das bibliotecas, os seus servizos, os seus recursos profesionais e agradecer e recoñecer o traballo das bibliotecarias e bibliotecarios. Como xa todos saberedes, este día recorda a destrución da Biblioteca de Sarajevo, incendiada en 1992 durante a Guerra dos Balcáns.

Na biblioteca convidámosvos a celebrar este día con nós coas seguintes actividades:

  • Biblioteca máxica. Obradoiro de iniciación á maxia con David Méndez ás 18.30h no salón de actos (venres 11, 18 e 25 outubro). Non quedan prazas.
  • Un día, na biblioteca. Contacontos con Ángeles Goás ás 12.00h no salón de actos (sábado 19 outubro)
  • Xornada de portas abertas: visita guiada extraordinaria ás 12.00h (xoves 24 outubro)
  • Regalo de lotes de libros ás superlectoras e superlectores infantís e adultos (xoves 24 de outubro)
  • Fantasía musical. Espectáculo familiar con María Faltri e Jorge Juncal ás 18.30h no salón de actos (xoves 24 de outubro)
  • Biblioteca máxica. Gala final do obradoiro ás 12.00h no salón de actos (sábado 26 outubro)

Con estas actividades a Biblioteca Pública de Santiago Ánxel Casal súmase á celebración do Día da Biblioteca impulsada desde a Dirección Xeral do Libro e Fomento da Lectura, a través da Subdirección Xeral de Coordinación Bibliotecaria.

A partir deste ano, incorpórase o lema 'Aptas para todos os públicos' e a actual edición céntrase en destacar o labor das bibliotecas na promoción da igualdade de xénero, en liña co III Plan Estratéxico do Consello de Cooperación Bibliotecaria 2019-2023, que ten como eixo transversal a igualdade.

Máis información destas actividades na axenda.