Estimada lectora / Estimado lector:

A Biblioteca Pública de Santiago Ánxel Casal ofréceche participar no club de lectura de inglés que se está a desenvolver na nosa biblioteca en xoves alternos de 19.30 a 21.00 horas nas salas de traballo en grupo do 3º andar e no que hai prazas vacantes.

Os medios para inscribirse son: presencialmente no mostrador de información do andar baixo; por teléfono, chamando ao 881 999 401 e por correo electrónico no enderezo biblio.publica.santiago@xunta.gal Lembramos a todas as lectoras e lectores que a participación nos clubs conleva a aceptación dunhas normas básicas que facilitan o seu correcto funcionamento e que é imprescindible ter o carné da biblioteca no momento de solicitar a inscrición.

A lectura que se está a realizar actualmente nas sesións deste club é The age of innocence, unha novela de Edith Wharton publicada en 1920 e coa que gañou o Premio Pulitzer en 1921. A acción sucede na alta sociedade neoiorquina da década de 1870.