A biblioteca en colaboración co Observatorio Astronómico Ramón María Aller da Universidade de Santiago acolle durante o mes de outubro unha serie de actividades dedicadas á Astronomía, no marco da actividade A astronomía nas rutas xacobeas, dentro da programación do Xacobeo 2021, co patrocinio da Xunta de Galicia.

A actividade comeza ás 20h no salón de actos cunha breve explicación sobre o que as persoas participantes van poder avistar. A continuación, faise a observación dos astros a través do telescopio no exterior da biblioteca, cunha duración aproximada dunha hora.

As persoas interesadas poden recoller a invitación no mostrador do andar baixo da biblioteca o mesmo día a partir das 17.30h.

O número máximo de participantes é de 15. 

* Se as condicións meteorolóxicas non acompañan esa xornada trasladarase a observación a outro día.