Podes solicitar o teu carné de forma presencial no andar baixo (Administración) ou de forma virtual cubrindo a Solicitude do carné de usuario ou usuaria.
IMPORTANTE:
1. Lembre seleccionar biblioteca na que solicita o carné: LUGO-BIBLIOTECA PÚBLICA DE LUGO.
2. É gratuíto, persoal e intransferible.
3. Amósanos algún documento oficial que acredite a túa identidade (o teu DNI, carné de conducir, pasaporte, NIE... ) para comprobar os datos cando veñas facer a solicitude ou cando veñas recoller o carné si decides solicitalo virtualmente. Compre incluir dirección completa (rúa, nº e piso)
4. As persoas menores de 14 anos poden solicitar o carné infantil coas mesmas condicións que o de adultos, pero con restricións en canto aos materiais que poden levar. Precisan unha persoa adulta (pais, titores) que se responsabilice por eles. No formulario cubriranse os datos do menor e os do adulto responsable (nome, apelidos e DNI). Si xa teñen DNI, deben presentalo. Si non teñen DNI, farémoslles igualmente un carné de lector.
5. As entidades tamén poden ter un carné para o préstamo. Terán que cubrir a Solicitude carné de entidade. O trámite pode realizarse tamén na biblioteca.
O carné serve para:
- levar libros, películas, cds de música, mapas, etc. en préstamo a domicilio.
- acceder a unha páxina personalizada do catálogo onde podes renovar préstamos, reservar, suxerir compras, solicitar e recoller préstamos de outras bibliotecas, facer comentarios...
- consultar a Biblioteca dixital
- para poder usar na Biblioteca portátiles
- para poder participar nas actividades que teñan aforo limitado
Lémbrate de traer sempre o carné e presentalo para poder acceder a estes servizos.
O carné vale para as Bibliotecas da Rede de Bibliotecas de Galicia.
Tés que comunicarnos os cambios nos datos persoais. En calquera caso, estes datos renovaranse cada 5 anos nos carnés de adultos e cada 3 nos de nenos/as.
A tarxeta só se cambiará en caso de deterioro ou perda; neste último caso hai que cubrir unha nova solicitude. A perda reiterada do carné leva sanción: despois da terceira perda non se renovará o carné durante o tempo que estipule a dirección.
Se por un motivo puntual non podes vir a biblioteca e queres que outra persoa poida usar o teu carné, esta persoa debe traer cuberta unha autorización. Podes descargar a autorización para o uso ocasional do carné de socio/a clicando aquí.