Para facer uso das instalacións e dos materiais da Biblioteca, os/as usuarios/-as deben ter en conta que esta é un espazo de convivencia. Por iso, é imprescindible respectar as seguintes normas:
1.- Está permitida a entrada a cans de asistencia que acompañen a persoas con discapacidade.
2.- Hai que falar baixo nas salas de lectura e de consulta.
3.- É preciso poñer en silencio os teléfonos móbiles. Pódense usar, en ton moderado, na entrada e nos corredores; quedan excluídos nas salas.
4.- Débense deixar na consigna: bolsas voluminosas-excepto maletíns ou mochilas con portátiles-, monopatíns, triciclos e calquera obxecto de gran tamaño.
5.- Está prohibido sacar da biblioteca calquera documento sen ter efectuado previamente a xestión do préstamo ou solicitado autorización expresa da Dirección.
6.- Hai que procurar respectar a orde e disposición dos andeis, depositando os libros nos lugares habilitados para iso.
7.- No caso de perda ou deterioro dalgún exemplar, hai que repoñelo.
8.- Permítese beber auga no recinto da biblioteca. Exclúense outras bebidas e comida, fóra do espazo reservado para o descanso na entrada.
9.- Hai que coidar e respectar as instalacións no seu conxunto, e o mobiliario e o material da biblioteca en particular.
10.- Non se admite a reserva de postos de lectura ou estudo.
11.- A Sala Infantil é para uso preferente de nenos e nenas menores de 14 anos. Os/as menores de 7 anos deberán estar acompañados/-as dun/dunha adulto/-a en todo momento.