ACTIVIDADES

Resultados 1 a 6 de 15

XOVES DE ANIMACIÓN e FEIRA DO LIBRO - xullo e agosto 2018

A Biblioteca prosegue as súas actividades de animación en Xullo pero cambiamos de día. Chegan os XOVES DE ANIMACIÓN cos talleres Xogando coa historia e Facemos a nosa casa, por Cucarandainas; volven David Méndez coa súa Escola de maxia e o contacontos en inglés ou StoryTime, que nesta ocasión levaranos ao lonxano Oeste. Do 1 ao 10 de agosto a Biblioteca estará na Feira do Libro da cidade, nos Xardíns de Méndez Núñez, e alí agárdavos un "CONCURSO DE DEBUXOS" con premios para os mellores. Animádevos a participar!!!

Mes de Xuño, por Apeles Mestre

SÁBADOS DE ANIMACIÓN_xuño 2018

"En san Xoán, acéndese a fogueira e canta o can"..... Dámoslle a benvida a un dos meses máis fermosos do ano, aínda que sexa o último dos Sábados de Animación que tanto vos gustan. En xullo continuamos coas actividades pero cambiamos de día, do sábado pasamos ao xoves porque os sábados de xullo e agosto pechamos a Biblioteca. En agosto descansamos pero haberá algunha actividade na caseta que a Biblioteca terá na Feira do Libro, nos Xardíns de Méndez Núñez. Mentres tanto, a gozar das actividades de xuño que, como sempre, esperamos que vos gusten!!!

SÁBADOS DE ANIMACIÓN - maio

"Ben veñas, maio, o mellor mes de todo o ano".... Proseguen os Sábados de animación coa programación habitual de contos para os máis pequenos, contos teatralizados, contos en lingua de signos... E para celebrar o Día das Letras Galegas preparamos unha mostra bibliográfica na Sala Infantil sobre a autora homenaxeada este ano, María Victoria Moreno, e tamén algunha sorpresa en forma de agasallo...

SÁBADOS DE ANIMACIÓN - abril

Comezamos o 2 de abril festexando o "Día Internacional do Libro Infantil e Xuvenil", a celebración máis importante do ano para os nen@s lectores. Para conmemorar esta data programamos ao longo de toda a semana diferentes actividades e sorprenderemos cun pequeño agasallo a todos os nenos e nenas que o día 2 acudan á Biblioteca e leven materiais en préstamo; rematamos a semana cun Sábado de Animación moi especial con Caramuxo Teatro e o seu espectáculo Redondo, dirixido aos máis pequenos. O resto de mes contaremos de novo cos contacontos de Trinke Trinke, os bebecontos, os contos en lingua de signos e o programa de lectura Cans e Letras.

Contos de mar e olivos - FESTIVAL ATLÁNTICA

SÁBADOS DE ANIMACIÓN_marzo 2018

Durante o mes de marzo proseguen os SÁBADOS DE ANIMACIÓN cos contacontos, bebecontos, os contos en lingua de signos..., e celebraremos con actividades especiais o Día da Poesía, do Teatro e da Narración Oral. Volve o programa de lectura con cans, chegan as historias do teatro de papel xaponés Kamishibai, os contadores Nono Granero e Sofía Maul co Festival Atlántica de Narración Oral e os concertos dos alumnos do Método Suzuki da Coruña… Esperamos de novo que gocedes a lume de biqueira!!!

Obradoiro E se nos disfrazamos de...?_BP da Coruña MGGarcés

SÁBADOS DE ANIMACIÓN_febreiro 2018

Durante o mes de febreiro proseguen os SÁBADOS DE ANIMACIÓN con contacontos, bebecontos, os contos en lingua de signos..., pero tamén contaremos con actividades especiais coas que celebraremos as festas do Entroido ou o Día de san Valentín. Finalizamos o mes cunha efeméride importante: o aniversario do nacemento de Rosalía de Castro, a figura máis importante da nosa literatura e que a actriz, contadora de historias, fotógrafa, escritora e dramaturga Soledad Felloza achegará aos máis pequenos co espectáculo "Chove miúdiño". Esperamos de novo que gocedes a lume de biqueira!!!