Gústanche as boas historias? As que che fan pensar, sentir ou ver o mundo doutra maneira?
No Club de Lectura Xuvenil terás a oportunidade de descubrir libros diferentes, compartir as túas opinións e debater con outros lectores como ti.
Cada encontro será un espazo para falar, opinar e gozar lendo, sen exames nin tarefas, so polo pracer de deixarse levar por unha boa historia.
Leremos novelas actuais, clásicos sorprendentes e tamén títulos elixidos entre todos os membros do club.
Ademais, realizaremos actividades creativas e recomendacións literarias, para que a lectura sexa algo vivo e divertido.
Cando: venres alternos de 18:00 a 19:00 h de novembro do 2025 a maio de 2026.
- 14 e 28 de novembro
- 12 de decembro
- 16 e 30 de xaneiro
- 13 e 27 de febreiro
- 13 e 27 de marzo
- 17 de abril
- 15 e 29 de maio
Onde: Espazo multiusos da Biblioteca Pública de Pontevedra.
Público destinatario: alumnado de Educación Secundaria Obrigatoria.
Inscrición previa na web da biblioteca a partir do martes 21 de outubro ás 09.00 horas.
