A colección infantil está destinada aos lectores de 0 a 14 anos, e está situada nunha sala no semisoto da biblioteca destinada ao uso das persoas máis pequenas. Dispón dun completo fondo onde atopar información xeral e especializada. Os menores de 6 anos deberán estar acompañados sempre dunha persoa adulta.
A colección divídese en:
- Libros de narrativa e cómics diferenciados por xéneros e idades:
- Azul: ata 5 anos.
- Vermello: de 6 a 8 anos.
- Verde: de 9 a 11 anos.
- Amarelo: de 12 a 14 anos.
- Obras de consulta e referencia divididas en materias e temáticas mediante a Clasificación Decimal Universal (CDU)
- Revistas.
- Audiovisuais (DVDs, CDs, audiolibros)
- Literatura en linguas estranxeiras
- Libros xogo
- Troquelados e pop-up
- Aprender a ler
- Sección de nais, pais e mediadores
- Bebeteca (cor morada): libros e materiais para prelectores.
Neste andar realízanse moitas actividades de animación á lectura (contacontos, obradoiros, lecturas en voz alta...), de pasatempo, música, traballos manuais...