AVISOS
29/10/2018
Mes da Astronomía na biblioteca
Observatorio Astronómico Ramón María Aller da Universidade de Santiago

Un ano máis, a Biblioteca Pública de Santiago Ánxel Casal en colaboración co Observatorio Astronómico Ramón María Aller da Universidade de Santiago e no marco do programa TODOCOSMOS, financiado pola Fundación Española para a Ciencia e a Tecnoloxía (FECYT), acolle durante o mes de novembro un ciclo de actividades adicadas á Astronomía.

Venres 16 de novembro. Obradoiro infantil de Astronomía dirixido a nenos e nenas de 4 a 6 anos. No salón de actos de 18.30 a 19.30h. O número máximo de participantes é de 20.

Venres 16 de novembro. Observación do ceo nocturno con telescopio (se as condicións meteorolóxicas non acompañan, trasládase a outro día previo aviso ás persoas inscritas). A actividade comeza ás 19.30h no salón de actos cunha breve explicación sobre a observación. A continuación (20h) faise a observación dos astros a través do telescopio no exterior da biblioteca, cunha duración aproximada dunha hora. Requírese inscrición previa. O número máximo de participantes é de 50.

Venres 23 de novembro. Obradoiro infantil de Astronomía dirixido a nenos e nenas de 7 a 10 anos. A Óptica Val regala un planisferio celeste a cada asistente. No salón de actos de 18.30 a 19.30h. O número máximo de participantes é de 20.

Venres 30 de novembro. Obradoiro infantil de Astronomía dirixido a nenos e nenas de 11 a 14 anos. No salón de actos de 18.30 a 19.30h. O número máximo de participantes é de 30.

 

Para todas estas actividades precísase inscrición previa aquí.

 

Coa finalidade de completar este mes astronómico, a Biblioteca ofrece na sala infantil desde o 5 ata o 30 de novembro unha mostra bibliográfica cunha selección de libros desta materia.

DOCUMENTOS E LIGAZÓNS