Formulario de solicitude de préstamo a outra biblioteca (Vigo)

1. Este servizo permite solicitar materiais que non se atopan nos fondos da Biblioteca Pública de Vigo Juan Compañel. Antes de facer a solicitude, por favor comprobe que o documento que precisa non está dispoñible no catálogo deste centro.

2. Con carácter xeral, pode solicitar documentos dalgunha das seguintes bibliotecas: 
— Biblioteca de Galicia (só materiais da Biblioteca Central de Préstamo)
— Biblioteca Pública da Coruña Miguel González Garcés
— Biblioteca Pública de Lugo
— Biblioteca Pública de Ourense Nós
— Biblioteca Pública de Pontevedra Antonio Odriozola
— Biblioteca Pública de Santiago Ánxel Casal
— Biblioteca Pública de Vigo Juan Compañel
— Biblioteca Municipal Central de Ferrol 
O persoal bibliotecario escollerá a biblioteca na que fará a petición. Se por razóns xustificadas precisa un exemplar en concreto, debe indicalo así na solicitude. 

3. Pode solicitar 1 só documento de cada vez. Se a obra está formada por varias partes (volumes dun libro, capítulos dunha serie, etc.), poden solicitarse ata un máximo de 3 documentos.
 
4. Cando estea xustificado por razóns de investigación ou estudo, poderanse realizar peticións de materiais a outras bibliotecas da Rede de Bibliotecas Públicas de Galicia ou a algunha Biblioteca Pública do Estado, distintas das sinaladas no punto 1. Esta biblioteca encargarase de localizar a obra e realizará as xestións necesarias para obtela, pero en calquera caso, a decisión sobre o envío correspóndelle á biblioteca de orixe. 

5. Unha vez que o documento se reciba nesta biblioteca, a persoa solicitante recibirá un aviso no enderezo de correo electrónico que figure na súa conta de usuario/a ou, se non dispón de correo electrónico, por teléfono. A partir dese momento dispoñerá de 7 días hábiles para facer a recollida. Se non retira o material solicitado nese prazo, terá unha sanción de 10 días sen préstamo.

6. Os materiais poderanse consultar nesta biblioteca ou prestarse a domicilio, en función das condicións que teña establecidas para eles a biblioteca de orixe. No caso de préstamo a domicilio, a devolución do documento farase nesta biblioteca.

7. Se solicita a copia dunha parte dunha obra (un capítulo ou artigo, un número determinado de páxinas) a biblioteca poderá optar por enviarlle unha copia ao correo electrónico, con suxeición en todo caso aos límites impostos polos dereitos de propiedade intelectual.