Esta colección de libros, audiovisuais e documentos electrónicos está dirixida a colectivos que precisan unha atención diferenciada.
Forman parte dela:
-
Libros de lectura fácil. Libros elaborados con especial coidado para poder ser lidos e comprendidos por persoas que teñen dificultades lectoras e/ou de comprensión. Tamén están indicados para inmigrantes recentes.
-
Libros en Letra Grande. Presentan unha letra máis grande do habitual e diríxense a persoas maiores e persoas con dificultade de visión.
-
Libros temáticos sobre diversidade funcional.
-
Libros informativos relativos a lexislación sobre diversidade funcional, formación laboral, inserción, organizacións, dicionarios en linguaxe de signos, etc. Diríxense a persoas con diversidade funcional, ás súas familias e a persoas que desenvolven a súa actividade laboral con eles.
-
Audiolibros
-
Libros en formato CD ou DVD. Diríxense a un público amplo: persoas con dificultades de visión, persoas maiores, inmigrantes, persoas sen hábito de lectura, etc. DVD e vídeos.
-
Libros para o coñecemento da Lingua de Signos.
-
Recursos electrónicos. CD-ROM multimedia con xogos para persoas con algunha diversidade cognitiva.
Todos os documentos desta colección levan un rótulo temático para distinguilos e atópanse na Sala Infantil e no segundo andar.