Inscrición aberta a partir do 14 de outubro
A Aul@ tecnolóxica de maiores é un obradoiro de introdución ás novas tecnoloxías dirixido ás persoas maiores de 55 anos co obxectivo de integralas na sociedade facéndoas partícipes dela a través da formación en novas tecnoloxías, especialmente no uso de teléfonos móbiles, tabletas e ordenadores portátiles, cun carácter eminentemente práctico de cara á súa aplicación e aproveitamento na vida cotiá.
A actividade estará a cargo de Formaziona.
As sesións terán lugar os martes e os xoves de 16.30 a 18.00h na sala de traballo A do 3º andar, a partir do 4 e o 6 de novembro e seguirá o calendario escolar ata finalizar o próximo mes de xuño.
O número máximo de participantes é de oito en cada grupo e precísase ter o carné de biblioteca cando comece a actividade.
No grupo dos xoves hai prazas vacantes. Recomendamos aos usuarios e usuarias interesadas que se anoten nas listaxes de agarda por se houbera algunha baixa.
O período de inscrición ábrese o 14 de outubro ás 8:30 horas e prolóngase ata o remate da actividade. As persoas interesadas poderán obter máis información e anotarse chamando ao 881 999 401 ou acudindo directamente ao mostrador da planta baixa.
A biblioteca pon a disposición dos integrantes da actividade os dispositivos necesarios para desenvolver o programa que se vai impartir: tabletas e ordenadores portátiles.
