Exposición de pinturas de María Pinal
Os cadros son como as persoas,
ao principio atráenche e gústanche,
pero cando as coñeces, tes que aceptalas”.
(María Pinal Trashorra)
O martes 5 de novembro inaugúrase a exposición de pinturas de María Pinal Trashorra (Ourense 1981-) e que mello que as súas palabras para presentala:
"Son María Pinal Trashorras, unha artista que traballa a partir de símbolos ou obxectos cotiáns. Da figuración destes símbolos acercome
a unha linguaxe abstracta e paradoxal. Traballo a miúdo con acrílicos sobre lenzo, cores vivas e complementarias e formas sinxelas.
Como un rito chamánico, pintar dame paz; é o camiño espiritual que -en contacto coa materia do cadro- axudame a comunicarme
cos demais. Axudame a sentir amor e a reivindicar situacións inxustas. A miña pintura é existencialista e emocional.
Trato os grandes temas: a morte, o amor, a dor, e o medo.
Estudei Belas Artes, Monitora de lecer e Formador de formadores. Amoso a miña obra en exposicións e gañei varios premios
en concursos de artes plásticas. Son tamén profesora de Debuxo e Pintura."
