A través deste servizo, a biblioteca pon a disposición da cidadanía as súas instalacións coa finalidade de propiciar o intercambio e a difusión cultural e a integración social, converténdose así nun espazo de participación e encontro dos membros da comunidade.
As actividades que se realicen nos espazos da biblioteca non poden ter ánimo de lucro.
Os espazos que se poden solicitar son os seguintes:
-
Salas de traballo en grupo:
A biblioteca conta con varias salas de traballo e actividades a disposición de grupos de dúas ou máis persoas que precise utilizala para reunirse, facer traballos, etc.
As salas están situadas nos andares 0 e 2, teñen unha capacidade aproximada de 30 persoas e están equipadas con ordenador, pantalla, pizarra, cámara web e micro de sala. A sala de actividades 1 conta con 10 ordenadores para formacións.
-
Salón de actos
O salón de actos está a disposición de calquera persoa ou entidade que queira utilizalo para realizar actividades de tipo cultural ou social (presentacións, exposicións, conferencias, cursos etc).
O salón de actos ten unha capacidade para 60 persoas e está equipado con pantalla, ordenador, sistema de gravación e megafonía.
-
Espazos expositivos
A biblioteca pon os seus espazos a disposición de particulares ou institucións para a realización de mostras e exposicións artísticas, coleccións etc.
Consulta co persoal da biblioteca os espazos máis adecuados para as características da túa exposición.
Solicitudes
Pode solicitarse o uso destes espazos enchendo o Formulario de reserva de instalacións, cunha antelación mínima de 15 días hábiles.
No apartado "Documentación adicional" do citado formulario haberá que achegar o documento de aceptación das condicións da reserva de instalacións asinado mediante DNI electrónico ou certificado dixital. No caso de non contar con sinatura electrónica, deberá entregar un exemplar asinado a man na biblioteca.
Unha vez recibida a solicitude, a biblioteca poñerase en contacto coa persoa solicitante para informala da aceptación ou denegación da solicitude. En calquera caso, a autorización está condicionada polas necesidades de uso da propia biblioteca.