A inscrición comeza o luns 5 de outubro ás 8:30h.
Aula tecnolóxica de maiores é un obradoiro de introdución ás novas tecnoloxías dirixido a persoas maiores de 55 anos. A actividade, impartida por Formaziona, ten un carácter eminentemente práctico e busca promover a inclusión dixital das persoas participantes formándoas no uso de teléfonos móbiles, tabletas e ordenadores portátiles para o seu día a día.
A Aula consta de dous grupos independentes de 8 participantes cada un:
Información práctica:
-
Horario: Grupo 1: Martes de 16:30 a 18:00 h.
Grupo 2: Xoves de 16:30 a 18:00 h.
-
Lugar: Sala de traballo A (3º andar).
-
Calendario: O grupo dos martes comeza o 20 de outubro e o dos xoves o 22. A actividade rematará entre maio e xuño.
-
Prazas: Máximo 8 participantes por grupo.
-
Requisito: Dispoñer do carné da biblioteca ao comezo da actividade (non é preciso traer dispositivos, a biblioteca achegará as tabletas e ordenadores).
Inscrición e información: Para o desenvolvemento desta actividade a Biblioteca contará coas mesmas persoas que integraban os grupos da edición anterior. Recomendamos ás usuarias e usuarios interesados que se anoten nas listaxes de agarda xa que poden producirse baixas entre os integrantes actuais, como así sucedeu en anos anteriores. O prazo de inscrición abrirase o 5 de outubro ás 8:30 h e permanecerá aberto ata o remate da actividade.
As persoas interesadas poden inscribirse:
-
Chamando ao teléfono 881 999 401.
-
Presencialmente no mostrador da planta baixa.
Máis información na páxina web e nas redes sociais da biblioteca.