A inscrición comeza o luns 5 de outubro ás 8:30h.
Retomamos o Obradoiro de iniciación á historia da Filosofía coordinado por Rafael Varela Nogueiras, membro do programa de Voluntariado Cultural da Rede de Bibliotecas de Galicia.
Esta actividade ten como obxectivo achegar a Filosofía ás persoas interesadas e fomentar e apoiar a difusión do pensamento filosófico. Está dirixido a persoas maiores de 18 anos que non teñan necesariamente coñecementos previos pero que sintan curiosidade cara ás ideas dos filósofos que se foron construíndo desde circunstancias históricas e biográficas concretas, atendendo a problemas profundamente arraigados na condición humana.
O obradoiro constará de dous grupos independentes de 12 participantes cada un:
-
Horario: Grupo dos mércores de 18:00 a 19:00 h.
Grupo dos xoves de 18:00 a 19:00 h
-
Lugar: Sala de traballo en grupo B (terceiro andar).
-
Calendario: Comezo o 14 e 15 de outubro, con remate no mes de maio-xuño.
É imprescindible ter o carné da biblioteca no momento de iniciar a actividade.
Para esta edición contarase coas persoas que xa integraban os grupos da edición anterior. Non obstante, recomendamos ás persoas interesadas que se inscriban na lista de agarda, xa que ampliamos o número de prazas e poden producirse baixas.
Inscrición e información: O prazo de inscrición para as prazas vacantes abrirase o 5 de outubro ás 8:30 h e prolongarase ata o remate da actividade.
As persoas interesadas poden inscribirse:
-
Chamando ao teléfono 881 999 401.
-
Presencialmente no mostrador da planta baixa.
Máis información na páxina web e nas redes sociais da biblioteca.