Explorando a vida

Neste mes de marzo, facemos un percorrido polos achados e tamén os desafíos das mulleres científicas ao longo da historia. As mulleres formaron parte do mundo da ciencia desde sempre, ás veces desde as marxes. Por iso queremos invitarvos a realizar esta viaxe coa axuda da nosa colección de libros infantís e xuvenís que conteñen vidas e obras de todas aquelas pioneiras que contribuíron a transformar o mundo a través dos diferentes campos científicos.

Podes visitala na sala infantil do 3 ao 31 de marzo en horario de apertura da biblioteca.